1 milyard dollar kimin “cibinə” getdi? - Müəmmalı sövdələşmə

1 milyard dollar kimin “cibinə” getdi? - Müəmmalı sövdələşmə

Kriptovalyuta bazarında bütün iri sövdələşmələri izləyən "Whale Alert” proqramı dollar ekvivalenti ilə dəyəri 1 milyarddan yuxarı olan 94 min 500 bitkoinin naməlum "pul kisəsinə” transfer edildiyini qeydə alıb.

Qaynarinfo virtualaz.org-a istinadən xəbər verir ki, həmin məbləğ ora 15 ayrı "pul kisəsindən” köçürülüb. Bu köçürmədən sonra naməlum "pul kisəsi” dərhal saxladığı pulun həcminə görə kriptovalyuta bazarında dördüncü yerə yüksəlib.

Ekspertlər təxmin edirlər ki, bu köçürmə kriptovalyuta bazarındakı hansısa iri oyunçunun pulları bitkoindən çıxarıb dollara çevirmək cəhdi ilə əlaqəli ola bilər. Bu da məbləğin iri olduğu nəzərə alınarsa bazarda xaos yaradardı.

Qeyd edək ki, sanksiyaların təsiri altında olan İran və Şimali Koreya kimi ölkələr beynəlxalq maliyyə əməliyyatlarında kriptovalyutadan getdikcə daha çox istifadə etməyə başlayıblar. Habelə kriptovalyuta ilə əməliyyatlardan beynəlxalq mütəşəkkil cinayətkar qruplaşmalar, çirkli pulların yuyulmasını həyata keçirən korrupsionerlər də istifadə edir.

OXŞAR XƏBƏRLƏR

XƏBƏRLƏR
BLOGLAR