Avropa və Alp dağlarında davam edən qar insanları çətin vəziyyətdə qoyub.
Qaynarinfo xəbər verir ki, Fransanın Alp bölgəsində müşahidə edilən qarlı hava şəraitindən sonra isə Bessans və Bonneval yolları arasında 7 metrlik qar divarı yaranıb. Fransa meteoroloqları 36 saat davam edən yağıntının 30 ildə bir müşahidə edildiyini bildirib. Ölkədə 1 nəfər qar uçqununun altında qalaraq ölüb.
İtaliyanın Alp dağlarında yerləşən xizək mərkəzi Sestrieresdə isə 5 mərtəbəli bina qar altında qalıb. İçəridəki 29 nəfər binanın qarajı vasitəsilə çıxaraq xilas ola biliblər.
İsveçrənin xizək tətil mərkəzi Zermattda 2 gün davam edən şiddətli qar yağmurundan sonra ərazidə 13 min turist bir müddət köməksiz qalıb. Mindən çox nəfər 50 avro qarşılığında helikopter vasitəsilə bölgəni tərk edə biliblər.
Gülşən
Şərhlər