Azərbaycanlı milyarder vəsiyyətini açıqladı

“Lukoyl”un prezidenti Vahid Ələkbərov neft şirkətində ona aid olan səhmləri ilə bağlı vəsiyyətini elan edib. 

“Qafqazinfo” Rusiya KİV-nə istinadən xəbər verir ki, Ələkbərov neft şirkətindəki səhmlərini xüsusi xeyriyyə fonduna ötürəcəyini, varisləri isə ondan birbaşa istifadə edə bilməyəcəklər. 

Onun fikrincə, bu addım Lukoyl-un direktorlar şurası və səhmlərin vəsiyyət ediləcəyi xeyriyyə fondu üçün yaxşı siqnaldır:

“Bu gün dünya ictimaiyyəti nəinki mənim həyatda olduğum müddətdə, hətta məndən sonra da şirkətin stabilliyinin təmin ediləcəyi üçün bu addımı yaxşı qarşıladı”. Daha sonra azərbaycanlı iş adamı əlavə edib ki, onun ailə üzvləri benefisiarlar olaraq qalacaqlar, lakin məhdud həcmdə.

Qeyd edək ki, hələ 2013-cü ilin sentyabrında Ələkbərov bildirmişdi ki, onun varisləri uzun zaman ərzində “Lukoyl”un səhmlərini sata bilməyəcklər. Onun sözlərinə görə, öz vəsiyyətində də qeyd edib ki, şirkətdəki səhmlərini idarə etmək üçün fond yaradılacaq və varislər uzun müddət ona yaxın dura bilməyəcəklər.

Qaynar.info