Foto 14:43 05.10.2018

Bakı metrosunda hərəkət dayandı, qatar tuneldə qaldı (RƏSMİ)

Bakı metrosunda "Qara Qarayev”-"İçəri Şəhər” istiqamətində hərəkət edən qatarda texniki nasazlıq yaranıb. 

Qaynarinfo xəbər verir ki, "Bakı Metropoliteni"nin mətbuat xidmətinin rəhbəri Bəxtiyar Məmmədov məlumat verib:

"Qara Qarayev stansiyasında qatarda baş verən texniki nasazlıq üzündən qatarların hərəkətində problem yaranıb. 7-8 dəqiqə ərzində nasazlıq aradan qaldırılıb. Lakin təhlükəsizlik baxımından qatar texniki baxış üçün depoya göndərilib. Buna görə də bütün qatarların hərəkətində gecikmələr olub. Nəticədə stansiyalarda sıxlıq yaranıb. Qatarda qalan insanların vəziyyətinə gəlincə, heç bir qanqaraçılıq müşahidə olunmayıb”.