Bakıda iki nəfərin qanı axıdıldı

Bakıda iki məcburi köçkün naməlum şəraitdə bıçaqlanıb.

Yasamal Rayon Polis İdarəsindən APA-ya verilən məlumata görə, hadisə avqustun 24-də saat 01.00 radələrində rayonun Şərifzadə küçəsi 1 ünvanında yerləşən Azərbaycan Texniki Universitetinin yataqxanasında qeydə alınıb.

Həmin yataqxanada məskunlaşan Fizuli rayonundan olan məcburi köçkünlər - 1986-cı il təvəllüdlü Şahlar Vaqif oğlu Zeynalov və 1984-cü il təvəllüdlü Xəyyam Akif oğlu Əliyev naməlum şəraitdə bıçaqlanıblar.

Hər iki şəxs ağır bədən xəsarətləri ilə xəstəxanaya yerləşdirilib.

Faktla bağlı araşdırma aparılır.

Qaynar.info