Coşqun Rəhimov "ölüm xəbəri"ndən danışdı

"Qaynarinfo" xəbər verir ki, Coşqun Rəhimov bununla bağlı Kult.az-ın suallarını cavablandırıb.

- Bu xəbər belə gözəl gündə məni o mənada məyus etdi ki, yaxınlarım, ailəm, dostlarım narahatlıq keçirdi. Məni ən əsas üzən bu oldu. Mənimlə bağlı yayılan belə məlumatlar birbaşa onlara təsir edir. Ailə üzvlərim, dost-tanışlar, qohumlar mənə görə narahat olurlar. Əlbəttə, mən bilirəm ki, sağam. Ancaq həmin an mənimlə əlaqə yarada biməyənlər nə hisslər keçirir?! Çox şərəfsiz, alçaq, mənəviyyatsız və vicdansız insandır bu xəbəri yayanlar. Bilmirəm bu yolla qazandığı pulu evinə, ailəsinə necə aparır. Bu adamın məqsədi nədir, bilmirəm, hansı məzhəbə qulluq edir? Söz tapa bilmirəm bu insanlar haqqında.

- Dostlarım dedi. Sağ olan insanın özünün ölüm xəbərini eşitməsinə reaksiyası necə ola bilər ki? Belə məqamda dərhal yaxınlarımı düşünürəm. Yaxnlarımın, əzizlərimin, dostlarımın, sevənlərim və əziz tamaşaçılarımın narahatlığını başa düşürəm. Belə məqamda sevildiyimi, məni çox istədiklərini hiss edirəm. Başa düşürəm ki, tamaşaçılarım və dostlarım üçün dəyərliyəm. Bu mənə həm də onu göstərir ki, işimdə xırda da olsa, nəyəsə nail olmuşam. Bütün bunlara sevinə bilərəm. Ancaq yaxınlarımın keçirdiyi narahatlıq sevincimə mane olur. Qoy bu xəbəri yazan üzülsün ki, mən ölməmişəm.

- Ölümlə zarafat etməzlər, axı. Bu xəbər kimisə narahat edirsə, necə öyrəşmək olar buna? O şəxslər bilsin ki, mənim yaxınlarım, dost-tanışlarım bu məlumatı yayanları lənətləyir. Özlərinə lənət qazanırlar. Allah verən ömrü Allah da alır. Hamı nə vaxtsa öləcək...

- Bu günə qədər özümə düşmən qazanmamışam. Nə şəxsi həyatımda, nə də sənətimdə. Yəqin ki, kimlərsə bunu reytinq xətrinə edib.

- Şükürlər olsun ki, yaxşıyam. İnşallah daha yaxşı olacam. Siz də çox sağ olun. Mənə görə narahat olanlara da minnətdaram. Londonda keçiriləcək konsertimizə hazırlaşırıq...