Dəllər-Zəyəm mənzilində baş vermiş bədbəxt hadisə ilə bağlı rəsmi açıqlama verildi

Dəllər-Zəyəm mənzilində baş vermiş bədbəxt hadisə ilə bağlı rəsmi açıqlama verildi

Dekabrın 12-si saat 19:20-də Dəllər-Zəyəm mənzilində ölümlə nəticələnən bədbəxt hadisə baş verib.

"Azərbaycan Dəmir Yolları” QSC Mətbuat katibliyi şöbəsindən Qaynarinfo-ya verilən məlumata görə, Şəmkir rayon Sabirkənd kənd sakini, 1984-cü il təvəllüdlü Xəyalə Zakir qızı Orucova Dəllər-Zəyəm mənzilinin 137-ci kilometrində hərəkət edən yük qatarı yaxınlaşarkən relslərin üzərinə çıxıb.

"Hadisə yerinə dərhal təcili yardım çağrılıb və ağır bədən xəsarətləri alan X.Orucova Şəmkir Rayon Mərkəzi Xəstəxanasına çatdırılıb. Həkimlərin səyinə baxmayaraq, o, xəstəxanada dünyasını dəyişib", - məlumatda bildirilir.

Qatar saat 19:50-də təyinatı üzrə yola salınıb.

Hadisə yerində aidiyyəti üzrə araşdırma aparılır. 
Blogum-Qaynar
XƏBƏRLƏR
BLOGLAR