Hon Konqda inşa edilən Sonqdo "dünyanın ən ağıllı şəhəri" statusuna sahibdir.

"Qaynarinfo" xarici mediaya istinadən xəbər verir ki, inşası 2002-ci ildə başlayan və 35 milyard dollara başa gələn Sonqdonun hər tərəfində sensorlar yerləşdirilib. Bu sistem vasitəsilə istilik, enerji istifadəsini, nəqliyyatın vəziyyətini öyrənmək, rəsmi qurumlara müraciət etmək mümkündür. 

Şəhərdə maşınlar və zibil qutuları yoxdur. İnsanlar velosiped və ya ictimai nəqliyyat vasitələrindən istifadə edirlər. Ərazidə 25 km-lik velosiped yolu yerləşir. Metro 12 dəqiqəlik məsafədədir. Evlərdə zibil tunelləri quraşdırılıb və buraya daxil edilən zibillər daha sonra enerji emalında istifadə edilir. 

Elektriklə işləyən avtomobillər üçün şarj cihazları yerləşən şəhərdə tualet suyu təmizlənir və yenidən istifadə edilir.

Şəhərin 40%-i yaşıllıqlardan ibarətdir və atmosferdəki zərərli qazların miqdarı normadan bir neçə dəfə aşağıdır. 

100 min nəfərin yaşadığı Sonqdoda nəzərdə tutulan yeniliklər və ağıllı sistemlərin hamısı hazırda işlək vəziyyətdə olmasa da, gələcəkdə nəzərdə tutulan dəyişikliklərin yekunlaşması planlaşdırılır.

Gülşən
Qaynarinfo.Az