Video 01:56 20.02.2019

Çempionlar Liqasında qolsuz gecə (VİDEO)

Çempionlar Liqasında 1/8 final həyəcanı davam edir.

Qaynarinfo xəbər verir ki, bu gün ilk oyunlar çərçivəsində daha 2 görüş keçirilib.

Mərkəzi oyun "Enfild Roud"da baş tutub. Turnirin qalibi olmağı hədəfləyən "Liverpul"la "Bavariya" arasında ilk duel gerçəkləşib. Qarşılaşma 0:0 hesabı ilə başa çatıb.

Turnirin favoritlərindən olan "Barselona" isə Fransaya səfər edib. Kataloniya klubu səfərdə "Lion"u sınağa çəkib. Oyun qarşılaşma da başladığı hesabla yekunlaşıb.

Qeyd edək ki, mərhələnin 4 oyunu ötən həftə keçirilib. "Roma" "Portu"nu (2:1), PSJ "Mançester Yunayted"i (2:0), "Real" "Ayaks"ı (2:1), "Tottenhem" Dortmund "Borussiya"sını (3:0) məğlub edib. İlk oyunlara sabah keçiriləcək "Atletiko" - "Yuventus" və "Şalke 04" - "Mançester Siti" görüşləri ilə yekun vurulacaq.

Çempionlar Liqası

1/8 final

İlk oyunlar

19 fevral

Liverpul (İngiltərə) - Bavariya (Almaniya) 0:0

Liverpul: Alisson Beker, Fabinyo, Ceorcinyo Viynaldum, Nabi Keyta (Ceyms Milner, 76), Roberto Firmino (Divok Origi, 76), Sadio Mane, Məhəmməd Salah, Cordan Henderson (k), Andi Robertson, Coel Matip, Trent Aleksander-Arnold.

Bavariya: Manuel Neuer (k), Niklas Süle, Mats Hummels, Tyaqo Alkantara, Xavi Martínec, Robert Levandovski, Xames Rodríges (Renato Sançes, 88), Serj Qnabri (Rafinya, 90+1), David Alaba, Kinqsli Koman (Frank Riberi, 81), Coşhua Kimmix.

Baş hakim: Canluka Rokki (İtaliya).

Liverpul. "Enfild Roud" stadionu.

Lion (Fransa) - Barselona (İspaniya) 0:0

Lion: Antoni Lopes, Cason Denayer, Marselo (k), Martin Terrier (Maksvel Kornet, 76), Hussem Auar, Mussa Dembele, Bertrand Traore (Lukas Tusart, 69), Mempis Depay, Leo Dubois, Ferland Mendi, Tanay Ndombele (Pape Çeyx, 84).

Barselona: Mark-Andre ter Stegen, Nelson Semedo, Cerard Pike, İvan Rakitiç, Serxio Buskets, Luis Susres, Lionel Messi (k), Osman Dembele (Filipe Kountinyo, 68), Klement Lenqlet, Jordi Alba, Serj Roberto (Arturo Vidal, 81).

Baş hakim: Cüneyt Çakır (Türkiyə).

Lion. "Park Olimpik Lion" stadionu.