"Facebook" işçilərini təhdid edənləri təqib edir

"Facebook" işçiləri üçün potensial təhlükə olan şəxsləri müəyyənləşdirir və bu barədə məlumatlandırır.

Qaynarinfo xəbər verir ki, şirkətin 2008-ci ildən bəri aktivləşdirdiyi "BOLO" (Be on lookout) siyahısı hər həftə yenilənir. Burada yüzlərlə insanın, hətta şirkətin 4 köhnə işçisinin adı da yer alıb. "BOLO"ya əlavə edilən şəxslərin adı, fotosu, yaşadığı yer və siyahıya daxil edilmə səbəbi barədə işçilərə məlumat verilir. Potensial təhlükə hesab edilən insanlar "BOLO" siyahısına müxtəlif səbəblərdən düşə bilər. "Facebook" rəhbəri Mark Zükerberq və digər işçilərə hədələr yağdırmaq səbəblərdən biridir.