Fermerlər “Aqrolizinq”ə ödəmələrini terminallar və saytlar vasitəsilə də edə bilərlər

Qaynarinfo Azərtac-a istinadən xəbər verir ki, bunu açıqlamasında "Aqrolizinq” Açıq Səhmdar Cəmiyyətin informasiya və elektron xidmətlər şöbəsinin müdiri Ayaz Qədirov deyib.

Onun sözlərinə görə, "Aqrolizinq” ASC-nin filialları rayon mərkəzindən kənarda yerləşir və hər dəfə fermerlər qurumun xidmətlərindən yararlanarkən ödəniş etmək üçün kifayət qədər məsafə qət edərək banklara getməli olurdular. Hazırda filiallarda əlavə ödəniş terminallarının quraşdırılması üzrə işlər aparılır və artıq 17 rayon üzrə bu işlər tamamlanıb. Bu da öz növbəsində fermerə imkan yaradır ki, vaxt itkisi olmadan, uzun növbə gözləmədən, filialdan ayrılmadan ödəniş edib məhsulu ala bilsin.