Fuad Abbasov Bakıda

Fuad Abbasov Bakıda

Bu gün axşam saatlarında Rusiyadan Azərbaycana deportasiya edilən jurnalist Fuad Abbasovu gətirən təyyarə saat 23:11-də Heydər Əliyev Beynəlxalq Aeroportuna eniş edib.

"Report" xəbər verir ki, onu hava limanında yaxınları və ictimaiyyət nümayəndələri qarşılayıblar.
 
Jurnalistlərə açıqlama verən Fuad Abbasov bildirib ki, fəaliyyətini yenidən davam etdirəcək, məhkəməyə müraciət edəcək.

Rusiyanın bir neçə azərbaycanlı icması Moskvada yaşayan və fəaliyyət göstərən azərbaycanlı jurnalist Fuad Abbasovun ölkədən deportasiya olunması tələbi ilə Moskva vilayəti Ximski Şəhər Məhkəməsinə müraciət edib. Moskva məhkəməsi mayın 7-də "Xarici vətəndaşın və vətəndaşlığı olmayan şəxsin Rusiya Federasiyası ərazisinə girişinə qadağa qoyulması" adlı 2737/2019 nömrəli işə baxıb. Mayın 16-da Rusiyanın hüquq-mühafizə orqanları F.Abbasovu saxlayıb. Azərbaycanlı jurnalist və vəkilləri ilə Ximki Şəhər Məhkəməsinin müvafiq qərarından şikayət veriblər.
XƏBƏRLƏR
BLOGLAR