Ekvadorun B seriyasında mübarizə aparan "Poroviejo” - "Manta” komandalarının matçında qəribə hadisə baş verib.

Qaynarinfo publika.az-a istinadən xəbər verir ki, matçın 28-ci dəqiqəsində futbolçular və hakimlər daxil olmaqla, yaşıl meydançada olan hər kəs bir anda yerə uzanıb.

Buna səbəb yaşıl meydançaya arıların hücum etməsi olub.

Meydandakılar bir dəqiqə sabit vəziyyətdə yerdə uzanıblar. Arılar getdikdən sonra isə matça davam ediblər.

Qarşılaşma "Manta”nın 3:2 hesabı qalibiyyəti ilə başa çatıb.