Gədəbəydə torpaq üstündə qan düşdü

Gədəbəydə otlaq sahəsi üstündə düşən davada bir nəfər ağır yaralanıb.

Gədəbəy rayon Polis Şöbəsindən APA-ya verilən məlumata görə, hadisə rayonun Günəşli kəndində baş verib. Kənd sakini Rauf Abbasovla Şakir Nəsibov otlaq sahəsi üstündə dalaşıb. Nəticədə Ş. Nəsibov əlində olan alətlə R. Abbasovun başına zərbələr endirib. Xəsarət alan şəxs açıq kəllə beyin travması ilə Gəncə şəhər Təcili Tibbi Yardım Xəstəxanasına yerləşdirilib. Həkimlər R. Abbasovun səhhətinin orta ağır olduğunu bildirirlər. Gədəbəy rayon Polis Şöbəsində faktla bağlı araşdırma aparılır.

Qaynar.info