Gəncədə maşın iki piyadanı vurdu

Gəncədə baş verən yol qəzasında bir nəfər ölüb, bir nəfər yaralanıb.

Gəncə şəhər Baş Polis İdarəsindən APA-ya məlumata görə, hadisə bu gün səhər saatlarında Gəncə-Göygöl yolunda baş verib. Qəbələ rayon sakini, 1987-ci il təvəllüdlü Həmzə Babaşov idarə etdiyi “VAZ 21124” markalı avtomobillə Gəncə istiqamətində hərəkətdə olarkən iki piyadanı vurub. Hadisə nəticəsində 1983-cü il təvəllüdlü Ruslan İbrahimov dünyasını dəyişib, 22 yaşlı Hikmət Musazadə isə ağır bədən xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Onun səhhətinin orta ağır olduğu bildirilir.