Texnologiya 13:57 02.12.2019

Çin alimləri Günəşdən 13 dəfə güclü “süni günəş” yaratdı: İş başa çatdı

Çin alimləri tərəfindən yaradılan və dünyada "süni günəş” adlandırılan istilik-nüvə cihazının quraşdırılması başa çatıb.

Qaynarinfo xəbər verir ki, Çin Milli Nüvə Şirkəti və Cənub-Qərb Fizika İnstitutu tərəfindən hazırlanan HL-2M adlanan süni günəş 2020-ci ildən enerji istehsal etməyə başlayacaq.

"Süni günəş" adlanan HL-2M nüvə birləşmə cihazı günəşdən 13 dəfə yüksək temperatur istehsal etmək gücündədir, yəni HL-2M-in istiliyi 200 milyon dərəcəyə (360 milyon dərəcə Farenheit) çata biləcək, əsil Günəş isə 15 milyon dərəcəyə qədər (27 milyon dərəcə Farenheit) istiləşir.

Reaktorun bu qədər isti olmasının səbəbi Günəşdəki istilik-nüvə reaksiyasından fərqli bir sistemlə işləməsidir. Günəşdə termo-nüvə prosesi enerjiyə çevrilə bilən istiliyi buraxan atomların məcburən bir araya gəlməsinə əsaslanır. HL-2M-də isə eynən uranda olduğu kimi, proses atomların parçalanmasına əsaslanır və bu, Günəşdəkinin tam əksidir.

Alimlər bu üsulun daha az zəhərli tullantılarla nəticələnən mövcud nüvə variantlarına nisbətən daha təmiz və daha ucuz olduğunu söyləyirlər. İyunda başlayan və çərşənbə axşamı sona çatan qurğu yanacaq olaraq hidrogen və deuterium qazından istifadə edir.

Bu layihə Çin də daxil olmaqla Fransadakı Beynəlxalq Termonüvə Eksperimental Reaktorunun (ITER) bir hissəsidir. ITER dəyəri 20 milyard avro civarında olan dünyanın ən böyük layihəsidir. 35 ölkəni əhatə edən layihənin 2025-ci ilə qədər başa çatdırılması gözlənilir.

Alpər