İqbal Ağazadə: "Partiyadan heç kim istefa verməyib"

"Ruslan İzzətli yarım saat bundan əvvəl partiyanın iclasında iştirak edib"

Bu gün Ümid Partiyasının Gənclər Təşkilatının sədri Ruslan İzzətli bəyanat yayaraq partiyadan çıxdığını açıqlayıb. Məlumatda bildirilir ki, R.İzzətli AXCP sıralarına qoşulacaq. 

O, partiyadan istefa verməyinin səbəblərini də açıqlayıb: "İstefamın səbəbi, partiya siyasətini qəbul etməməyim və son dönəmlər loyal siyasət aparmasıdır. Özəlliklə millətçilik ideologiyasını daşıdığım üçün mən heç zaman Türkiyə-Ermənistan sərhədlərinin açılması kimi bir axmaq ideyanın arxasınca yürüyə bilmərəm. Hər zaman partiyada bu ideyanın əleyhinə getmişəm. Partiya bu rejimə qarşı mübarizə aparmaqdansa, Əli Kərimli və İsa Qəmbər kimi liderlərimizə qarşı addımlar atır. Bu siyasəti qəbul etmirəm və bu gündən AXCP sıralarına qoşulacam".