İsveç istidən yanır, müsəlmanlar yığılıb yağmur duası edir (FOTOLAR)

İsveçdə yaşayan müsəlmanlar bir yerə toplaşaraq İslam alimi Əbdülvədad Frankın rəhbərliyi ilə yağmur duası edib, namaz qılıblar.

Qaynarinfo xəbər verir ki, müsəlmanları bu addımı atmağa güclü istilər və meşə yanğınları vadar edib. Ölkədə son 66 ilin ən isti yayı müşahidə edilir, son 4 ayda yağış yağmayıb. 13500 hektar meşə ərazisi yanaraq külə dönüb, böyük əkin sahələri quraqlıqdan məhv olub. 4 gün əvvəl 83 nöqtədə başlayan yanğınlar hələ də 40 yerdə davam edir. Əgər yağış yağmasa, yanğınların aylarla davam edə biləcəyi deyilir. İsveç höküməti Avstriya, Polşa, Danimarka, Portuqaliya, Fransa, Almaniya, Norveçdən yanğınsöndürən təyyarə və helikopter köməyi istəyib. 

Aprel və may aylarında kifayət qədər yağış müşahidə edilmədiyi üçün əkin sahələrindəki məhsulların 60%-i məhv təhlükəsi ilə üz-üzədir.