İngiltərədə Rusiya üçün cəsusluq edərkən tutulan və daha sonra dəyişdirilmə ilə Rusiyaya getməsinə icazə verilən keçmiş rus agenti Anna Çapman İngiltərənin Solsberi şəhərində qızı ilə birgə zəhərlənən rus agent Sergey Skripalı xain adlandırıb.

Qaynarinfo xarici KİV-ə istinadən xəbər verir ki, o, bu barədə sosial şəbəkə hesabında yazıb. Çapman Skripal hadisəsində Rusiyanın ittiham edilməsinə sərt reaksiya verib və Skripalın Putin tərəfindən bağışlandığını ifadə edib. O, əlavə edib ki, bu tip hadisələrdə kimin daha çox faydalandığına diqqət yetirilmək lazımdır.

Qeyd edək ki, agentlik fəaliyyətini bitirib, artıq model və televiziya aparıcısı kimi fəaliyyət göstərən Çapman İngiltərədə tutulanda gözəlliyi ilə ictimaiyyətin diqqətini cəlb etmişdi.