Londonda kimyəvi maddə ilə hücum

İngiltərənin paytaxtı Londonda dünən axşam saatlarında 5 ayrı bölgədə insanlara kimyəvi maddə ilə hücum edilib.

"Qaynarinfo" xarici mediaya istinadən xəbər verir ki, iki kişi tərəfindən motosikletlə edilən hücum təxminən 1,5 saat ərzində fərqli ərazilərdə həyata keçirilib. Cinayətkarların qurbanların sifətlərinə kimyəvi maddə attıqları bildirilir. 

Cinayətkar şəxslər əvvəlcə motosiklet sahibi olan şəxsə hücum edib, sonra isə bu nəqliyyat vasitəsindən istifadə edərək cinayət əməllərini törədiblər.

Gülşən

Qaynarinfo.Az