Gündüz Kərimov Azərbaycan Respublikasının birinci vitse-prezidentinin yeni köməkçisi təyin edilib.

"Qaynarinfo" yenicag.az-a istinadən xəbər verir ki, Gündüz Kərimov "Baker McKenzie” şirkətinin Bakı ofisinin və Birləşmiş Ərəb Əmirliklərinin Əqli Mülkiyyət Təcrübə Qrupunun rəhbəri vəzifəsində çalışıb. O, həmçinin Mübahisələrin həlli, Əqli Mülkiyyət və Səhiyyə təcrübəsi qruplarının üzvüdür. Şirkətə 2002-ci ildə qoşulmadan əvvəl Kərimov Beynəlxalq Qızıl Xaç Komitəsinin Bakı nümayəndəliyində çalışıb. 2000-ci ildən etibarən Bakı Dövlət Universitetində kommersiya hüququ və beynəlxalq intellektual mülkiyyət kursları öyrədib. 2011-2014-cü illərdə Hüquq fakültəsinin dekan müavini vəzifəsində çalışıb. Gündüz Kərimov hazırda Bakı Dövlət Universitetinin Mülki Prosessual və Ticarət Hüquqları şöbəsində dosentdir.

Həmçinin Gündüz Kərimov 2013-cü il mart ayında Amerika Ticarət Palatasının (AMCHAM) Direktorlar şöbəsinin üzvü seçilib.

Qaynarinfo.Az