“Məni öldürmək istəyirlər”

Fəaliyyəti dayandırılmış Azərbaycan Beynəlxalq Universitetinin sabiq rektoru, son vaxtlar yaydığı qalmaqallı videolarla gündəmdə olan Elşad Abdullayev yeni iddia ilə çıxışb. Qaynar.info-nun məlumatına görə, o, “Yeni Müsavat” qəzetinə müsahibəsində bildirib ki, hazırda yaşadığı Fransada izlənilir. Bir neçə dəfə deportasiyasına cəhd edildiyini bildirən Elşad Abdullayev həyatı ilə bağlı təhlükə olduğunu bəyan edib: “İndiki vəziyyətdə məni Sevinc Babayevasayağı öldürmək istəyirlər.

Elşad Abdullayev sabiq millət vəkili Gülər Əhmədovanın onun Bakıda gəlməsi ilə bağlı tələbinə də toxunub: “Bugünkü vəziyyətdə bu, mümkün deyil. Çünki istintaq qeyri-obyektiv aparılır. Bu qədər videofaktlar olan halda araşdırmalar göz qabağındadır. Halbuki bir video faktım kifayətdir. Gözlə görünən, qulaqla eşidilən şeylərə görə bunlar saxta rəylər alırlar. Bunların istintaqı qeyri-obyektivdirsə, mənim ora gəlməyimin nə mənası var?”.