Almaniyanın Bavariya ştatında keçirilən səsvermədə kansler Angela Merkelin rəhbərlik etdiyi koalisiyanın üzvlərindən Xristian Sosial İttifaqı parlamentdəki 205 yer uğrunda mübarizədə mütləq hakimlik statusunu itirib.
Qaynarinfo BBC-yə istinadən xəbər verir ki, 1957-ci ildən bəri Bavariyanı idarə edən Xristian Sosial İttifaqı 2013-cü illə müqayisədə səs itirərək sadəcə 37% dəstəyə yiyələnib. Ətraf mühit və miqrasiya prosesinə verdiyi dəstəklə bilinən Yaşıllar Partiyası 18% səslə 2-ci yerdə qərarlaşıb. Almaniya üçün Alternativ Partiyası 10%, Sosial Demokratlar isə 9,5% dəstəyə yiyələnib.
Seçkilərdə səsvermə hüququna sahib 9,5 milyon nəfərin 72,4%-i iştirak edib.
Gülşən
Şərhlər