Venesuelada minlərlə insan Kolumbiya sərhədini keçmək üçün sərhəd keçid məntəqələrinə toplaşıb.

Qaynarinfo xarici mətbuata istinadən xəbər verir ki, buna səbəb Kolumbiya lideri Xuan Manuel Santosun sərhəd keçid məntəqələrində ciddi nəzarət sisteminin yaradılacağı ilə bağlı verdiyi açıqlama olub. Qərardan sonra sadəcə xüsusi icazəsi və ya pasportu olanların Kolumbiyaya girməsinə icazə veriləcək.

Prezidentin bu açıqlamasından sonra iqtisadi və siyasi çalxalanmalardan əziyyət çən Venesuelada minlərlə insan ərzaq almaq üçün sərhəd məntəqələrinin önünə toplaşıb.

İnflyasiya və qıtlığın yaşandığı Venesualada illərdir minlərlə insan ərzaq almaq və çalışmaq üçün Kolumbiyaya keçir.

Qeyd edək ki, Venesuelada bu il aprelin 22-də prezident seçkiləri keçiriləcək. 2013-cü ildən ölkəni idarən edən Nikolas Maduro yenidən namizədliyini irəli sürüb. Venesuala rəhbərinin  sözlərinə görə, ölkədəki iqtisadi böhranın arxasında ABŞ dayanır.