Parlamentin qarşısında etiraz aksiyası keçirildi

İran parlamentinin qarşısında etiraz aksiyası keçirilib.

APA-nın məlumatına görə, sentyabrın 2-də Tehran şəhərində məktəbəqədər təhsil (bağça) və digər təlim-tərbiyə müəssisəsinin işçiləri məşğulluq vəziyyətləri ilə bağlı yaranmış problemə etirazlarını bildiriblər. Piket iştirakçıları dörd il əvvəl işdən azad edilmələri və təlim-tərbiyə müəssisələri ilə əməkdaşlıqlarına son qoyulmasından narazıdırlar. Bu addım İranın keçmiş məktəbəqədər təhsil və təlim-tərbiyə naziri Həmid Hacıbabayinin dövründə atılıb. Aksiya iştirakçıları əvvəlki iş yerlərinə qaytarılmalarını, İran Əmək, Kooperativlər və Əhalinin Sosial Müdafiəsi Nazirliyinin onlarla əmək müqaviləsi bağlamasını və sığorta ilə təmin edilmələrini istəyiblər.