Polisin döyülməsi ilə bağlı rəisdən AÇIQLAMA

Ağcabədi rayonunda polislə vətəndaşlar arasında baş verən insindentə rayon Polis İdarəsinin rəisi Şamil Seyidli münasibət bildirib. 

Polis rəisi “Qafqazinfo”ya açıqlamasında bildirib ki, hadisə baş verən zaman avtomobilin sürücüsü yolun əks istiqamətində hərəkət edirmiş: “Bu zaman polis sürücünü saxlayıb. Sürücüdən sənədlərini və açarı təqdim etməsini istəyib. Sürücü etirazını bildirib. Bu zaman dava başlayıb. Yol polisinə yumruqla zərbə vurublar”. 

Polis rəisi əlavə edib ki, hadisə ilə bağlı rayon prokurorluğunda Cinayət Məcəlləsinin 315-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başladılıb., araşdırma aparılır. 

Qaynar.info