Portuqaliya

Portuqaliya "AVRO-2020"yə vəsiqə qazandı (VİDEO)

"AVRO-2020"nin seçmə mərhələsində X tura start verilib.

Qaynarinfo xəbər verir ki, öncə B qrupunun komandaları meydana çıxıblar. Bu qrupda son turun qarşılaşmalarından sonra final mərhələsində yüksələn daha bir komanda müəyyənləşib. Son Avropa çempionu və Millətlər Liqasının qalibi Portuqaliya qitə çempionatına birbaşa vəsiqə qazanıb.

Kriştianu Ronaldo və komanda yoldaşları buna Lüksemburq üzərində qələbə ilə nail olublar. Səfərdə Lüksemburqu yenən Portuqaliya qrupda ikinci yeri tutub. Qollara Bruno Fernandes və Kriştiano Ronaldo imza atıb.

 
Birinci yeri öncədən təmin edən Ukrayna isə Serbiyanın qonağı olub. Portuqaliyanın xal itkisinə ümid edən meydan sahibləri qələbəni son dəqiqələrdə əldən verib - 2:2. Serbiyanın heyətində Duşan Tadiç (penalti) və Aleksandar Mitroviç fərqlənib. Ukraynanın qollarına isə Roman Yaremçuk və Artem Besedin imza atıb.

 
Ukrayna tsikli məğlubiyyətsiz başa vurub. Birbaşa vəsiqə qazana bilməyən Serbiya pley-offda mübarizə aparmalı olacaq.

Qeyd edək ki, Portuqaliyaya qədər 16 komanda - Belçika, Polşa, Ukrayna, Rusiya, İspaniya, İtaliya, Türkiyə, Fransa, İngiltərə, Çexiya, İsveç, Finlandiya, Xorvatiya, Almaniya, Hollandiya və Avstriya  vəsiqə qazanıb.
XƏBƏRLƏR
BLOGLAR