"Qarabağ" 4 qol vurub qələbə qazandı (VİDEO)

Topaz Premyer Liqada V tura yekun vurulub.

Qaynarinfo xəbər verir ki, ikinci oyun günündə iki qarşılaşma keçirilib.

Keçirdiyi 4 oyunda yalnız bir xal toplaya bilən "Keşlə" doğma meydanda "Sumqayıt"la üz-üzə gəlib. Hesabı ilk yarıda meydan sahibləri açsa da, ikinci hissədə iki qol vuran "Sumqayıt" 3 xalı aktivinə yazıb. 

Bu komandalar arasında çempionatdakı 25-ci qarşılaşma olub. Bunlardan 12-də "Keşlə", 6-da isə "Sumqayıt" qələbə qazanıb. 7 görüş isə heç-heçə yekunlaşıb. Topların fərqində də paytaxt təmsilçisinin üstünlüyü var - 37:24. "Gənclik şəhəri" təmsilçisi ardıcıl 5 çempionat oyununda rəqibinə məğlub olmayıb. "Keşlə" isə "Sumqayıt"a qarşı keçirdiyi son 4 matçda xal qazana bilməyib. Paytaxt klubu həmçinin Premyer Liqada ardıcıl 14 görüşdə meydanı qolsuz tərk etməyib.

Tura mərkəzi görüş hesab olunan "Qarabağ" - "Qəbələ" matçı ilə yekun vurulub. Oyunda 5 qol vurulub və "Qarabağ" 4:1 hesablı qələbə qazanıb. 

Bu komandalar Premyer Liqada 39-cu dəfə qarşılaşıblar. Bunlardan 19-da Ağdam təmsilçisi 10-da isə "Qəbələ" meydanı 3 xalla tərk edib. 12 qarşılaşmada isə qalib müəyyənləşməyib. Topların fərqində də son ölkə çempionu üstündü - 53:37. "Qarabağ" rəqibinə qarşı keçirdiyi 7 ev oyununun heç birində uduzmayıb.  

Qeyd edək ki, turun ilk iki oyunu dünən keçirilib. "Neftçi" "Zirə"yə 2:1 hesabı ilə qalib gəlib, "Səbail" - "Sabah" matçında hesab açılmayıb.

 

Qollar: Slavik Alxasov, 44 - Cavid Tağıyev, 47. Əfran İsmayılov, 67.

Qollar: Abdullah Zubir, 30; 72. Araz Abdullayev, 45+1. Con Delarj, 61 - Rasim Ramaldanov, 90.

№	Klub		O	Q	H/H	M	T/F	X
1	Neftçi		5	4	1	0	9:3	13
2	Qarabağ		4	3	1	0	8:2	10
3	Sabah		5	3	1	1	5:4	10
4	Sumqayıt		5	2	1	2	7:6	7
5	Səbail		5	2	1	2	5:6	7
6	Qəbələ		5	1	1	3	6:8	4
7	Keşlə		5	0	1	4	4:9	1
8	Zirə		4	0	1	3	3:9	1
Bombardirlər		Marko Deviç (Sabah) - 5.