Video 21:48 23.09.2019

"Qarabağ" ilk qolu buraxdı, yenə qalib gəldi (VİDEO)

Bu gün Azərbaycan Premyer Liqasında V turun son oyunu keçirilib.

Qaynarinfo xəbər verir ki, lider "Qarabağ" "Sevilya" ilə Avroliqa oyunundan sonra "Zirə"nin qonağı olub. Oyunda 4 qol vurulub və "Qarabağ" 3:1 hesablı qələbə qazanıb.

Hesabı 12-ci dəqiqədə Maqaye Qeye açıb. 41-ci dəqiqədə Xayme Romero fərqi artırıb. 3 dəqiqə sonra "Qarabağ" Anastasios Papazoqlunun avtoqoluna sevinib. 88-ci dəqiqədə isə Xulio Sezar Rodrigez "Zirə"nin təsəlli qolunu vurub. Bu "Qarabağ"ın cari mövsümdə qapısında gördüyü ilk qol olub.

"Qarabağ" bu qələbə ilə xallarını 15-ə çatdıraraq, ən yaxın izləyicisi "Səbail"i 5 xal geridə qoyub. "Zirə" isə 7 xalla 4-cü pillədə qərarlaşıb.

Bu komandalar arasında 17-ci qarşılaşma olub. "Zirə" heç bir görüşdə qalib gələ bilmədiyi halda 13 dəfə uduzub və cəmi 4 heç-heçə edib. Topların nisbəti isə 7:36-dı.

Qeyd edək ki, turun ilk 3 oyununda "Sumqayıt" "Sabah"ı 1:0 hesabı ilə yendiyi halda, "Səbail" "Qəbələ" ilə 1:1, "Neftçi" "Keşlə" ilə 0:0 hesablı heç-heçə edib.

Premyer Liqa

2019/20 mövsümü

I dövrə, V tur

23 sentyabr

Zirə - Qarabağ 1:3

Qollar: Xulio Sezar Rodrigez, 88 - Maqaye Qeye, 12. Xayme Romero, 41. Anastasios Papazoqlu, 44 (avtoqol).

Zirə İdman Kompleksinin stadionu.

№	Klub		O	Q	H/H	M	T/F	X
1	Qarabağ		5	5	0	0	13:1	15
2	Səbail		5	3	1	1	7:6	10
3	Keşlə		5	2	1	2	6:3	7
4	Zirə		5	2	1	2	5:6	7
5	Sumqayıt		5	2	0	3	5:7	6
6	Neftçi		5	1	2	2	3:5	5
7	Qəbələ		5	1	1	3	2:10	4
8	Sabah		5	0	2	3	2:5	2
*Bombardirlər*		İsmayıl İbrahimli (Qarabağ), Mehdi Şərifi (Sumqayıt), Lorenzo Frutos (Keşlə), Mirabdulla Abbasov (Səbail) - 3.