Video 19:59 28.10.2017

"Qəbələ" uduzdu, "Kəpəz" "Keşlə"yə qalib gəldi (VİDEO)

Topaz Premyer Liqasında X turun oyunları davam etdirilib. "Qaynarinfo" xəbər verir ki, ilk oyun günündə iki qarşılaşma baş tutub.

Günə "İnter Arena"da start verilib. "İnter" adını dəyişdirərək "Keşlə"yə çevirildiyi gündə "Kəpəz"i qəbul edib. Turnir cədvəlinin son pillələrində qərarlaşmış rəqiblərin duelində iki qol vurulub və "Kəpəz" 2:0 hesablı qələbə qazanıb. Bununla da "Keşlə"nin qələbəsiz oyunlar seriyası 6-ya çatıb. "Kəpəz" isə mövsüm ərzində ikinci qələbəsini qazanaraq 7-ci pillə ilə fərqi minmuma endirib.

Turun mərkəzi görüşündə "Zirə" "Qəbələ"ni qəbul edib. Ötən tur "Qarabağ"ı yenən "Qəbələ" uğuru davam etdirə bilməyib və 1:2 hesabı ilə yenilib. 43-cü dəqiqədə Cavid Hüseynov meydandan qovulduğundan azlıqda qalan "Qəbələ" buna baxmayaraq təsəlli qolunu vura bilib. "Zirə" Ötən tur əldən verdiyi ikinci pilləni geri qaytarmaqla yanaşı, bir oyun artıq keçirdiyi "Qarabağ"la fərqi bir xala endirib.

Qeyd edək ki, turun ilk oyununda "Qarabağ" "Səbail"i 1:0 hesabı ilə yenib. Tura sabah "Neftçi" - "Sumqayıt" görüşü ilə yekun vurulacaq.

Premyer Liqa

2017/18 mövsümü

II dövrə, X tur

28 oktyabr

Keşlə - Kəpəz 0:2

Qollar: Murad Qayalı, 15 (avtoqol). İlyas Səfərzadə, 64.

Zirə - Qəbələ 2:1

Qollar: Milan Duriç, 18-pen. Sadio Tounkara, 38 - Famussa Kone, 71.

Qırmızı vərəqə: Cavid Hüseynov, 43.

№	Klub		O	Q	H/H	M	T/F	X
1	Qarabağ		9	7	1	0	15:4	22
2	Zirə		10	6	3	1	18:8	21
3	Qəbələ		10	6	1	3	13:10	19
4	Sumqayıt		9	4	1	4	10:12	13
5	Neftçi		9	3	1	5	10:9	10
6	Səbail		9	3	0	6	5:13	9
7	Keşlə		10	2	2	6	7:14	8
8	Kəpəz		10	2	1	7	7:15	7
*Bombardirlər*		Mahir Mədətov (Qarabağ) - 5. Təmkin Xəlilzadə (Zirə), Riçard Qadze (Zirə), Amil Yunanov (Sumqayıt) - 4.