Ölkə 13:54 22.04.2018

Qeybətcil, ayağınızın altını qazan iş yoldaşından necə xilas olmaq olar?

Əgər bir kollektivdə çalışırsınızsa, mütləq sizin də belə bir iş yoldaşınız var. Belə tiplər kimin yeni bir eşq macərası olduğundan tutmuş, yaxın zamanda kimin işdən qovulacağına qədər her şeydən xəbərdardırlar. Ondan eşitdikləriniz sizə əvvəlcə əyləncəli gələ bilər, amma diqqət edin.

Öhdəsindən necə gələ bilərsiniz?

Diqqətini dağıdın. Onunla iş yoldaşlarınız haqqında danışmaq əvəzinə, məşhurlardan söhbət açın. Məsələn, müdirinizon başqa bir sevgilisi haqqında danışarsa, mövzunu o dəqiqə Bred Pitt ve Ancelina Culiyə gətirin. Özünüz haqqında nə qədər cansıxıcı bir insan olduğunuzu xüsusilə vurğulayın. Unutmayın ki, həyatı çox da əyləncəli olmayan bir insan haqqında kimsə qeybət etməz.

Bacarıq oğrusu

Bu tip insanlar gözəl bir fikrinizi özününkü kimi göstərə bilər. Bu xasiyyəti əsasən iclaslarda meydana çıxar. Müdirinizin marağına səbəb olan hər hansı bir fikir söylədiyiniz anda özünü irəli atıb, elə bir həyəcanla danışmağa başlayar ki, hər kəs fikrin əslində ona aid olduğunu düşünə bilər.

Öhdəsindən necə gələ bilərsiniz?

Bütün fikirlərinizi yazın. Mühüm bir fikriniz olduğu zaman bunu e-məktubla hər kəsə əvvəlcədən yollayın. Bu, fikrin sizə aid olmasına dair bir sübut olacaq.

Quyu qazan

Bu tip insanlar səhvə yol verdiyiniz halda, bunu sizə söyləməz, "Çox doğru bir qərar verdin, bunu hər kəs edə bilməzdi" deyərək sizi həvəsləndirirmiş kimi özlərini göstərə bilərlər. Bu kimi cümlələr eşitsəniz, bir qədər dayanın və düşünün.

Öhdəsindən necə gələ bilərsiniz?

Saxta davranışını görməzdən gəlin. Əsəbinizdən ölsəniz belə, "Mənim fikirlərimin fərqli olduğunu düşündüyünüz üçün təşəkkür edirəm" deyin. Pis niyyətli insanlarla yalnız bu cür rəftar etmək lazımdır.

Yapışqan

Gün boyu özünü aldadan sevgilisi və ya dostundan bəhs edər. Hər zaman işdən sonra bir şeyler etməyi təklif edər. Ona yox demək üçün bəhanələr uydurmaq məcburiyyətində belə qala bilərsiniz.

Öhdəsindən necə gələ bilərsiniz?

Onun sizdən gözlədiklərinə limit qoyun. Onu həyatınızdan tamamilə çıxarda bilməsəniz də, idarə edə bilərsiniz. Növbəti təklifinə qarşı siz də, "Kaş ki, səni uzun-uzun dinləyə bilsəydim, amma indi vaxtım yoxdur, nahara gələn həftə gətsək?" deyin.

Deyingən

Kofe yenə köhnədir, müdir tam bir canavardır - daima bu cür düşünən biriylə zaman keçirmək həm əhvalı pozur, həm də iş yerindəki məhsuldarlıq və keyfiyyəti pozur. Belə insan tipindən uzaq durun.

Öhdəsindən necə gələ bilərsiniz?

Növbəti şikayəti zamanı, "Gəlin, hadisəyə bir də müsbət istiqamətdə baxaq" deyə bilərsiniz. Hər səfərində ona belə desəniz, o, sizdən bir fayda gəlmədiyini görəcək və özünə başqa bir həmsöhbət axtaracaq.

Nərmin Həsənli