"Ledi Gagaya baxanda kövrəldim" - Elza Seyidcahan

O, Avropa Oyunlarının açılış mərasimində səhnəyə çıxan Ledi Gaga ilə görüşmək istədiyini deyib: “Mənə yazırlar ki, Elza xanım siz niyə konsertə getmədiniz, niyə səhnəyə çıxmadınız? Sözün açığı onunla görüşmək, həmsöhbət olmaq istərdim. Amma görüşü təşkil etmədilər. Ledi Gaga 2006-cı ildə səhnəyə çıxıb. Elza Seyidcahan isə hələ 1990-cı illərdən səhnələrdədir. Tənqidlərə, müzakirələrə baxmaraq, bu gün yenə də səhnədəyəm”.

E.Seyidcahan Ledi Gaganın çıxışına baxanda kövrəldiyini gizlətməyib: “Ledi Gagaya baxanda kövrəldim. Bakıda oxuyanda fərəh hissi keçirirdim. Onu çoxlu pullar hesabına ölkəmizə gətiriblər. Biz də Azərbaycanı dünyaya tanıtmaq üçün çalışırıq. Əlimizdən gəldiyi qədər milli dəyərlərimizi dünyaya tanıdırıq. Dünən çox böyük şans düşmüşdü ki, Azərbaycanın “Ledi Gaga”sını da dünyaya tanısınlar. Amma olmadı. Bəlkə də başları oyuna qarşıdığı üçün bizim görüşümüzü təşkil etmək barədə düşünməyiblər. Yenə də canları sağ olsun. Görürsünüz də Azərbaycanın “Ledi Gaga”sı olan Elzanın stili bu gün yaşayır, yaşayacaq da. Əgər onunla məni tanışdırsaydılar, əsərlərimi ona göstərərdim. İnanın ki, Ledi Gaga əsərlərimlə tanış olandan sonra qarşımda baş əyərdi. Deyərdi ki, hallan olsun ki, Azərbaycanın 1990-ci illərdən bəri belə bir müğənnisi var”.