Azərbaycanın xalq artisti, tanınmış aktyor, oynadığı rollarla kiçikdən böyüyə hamının yaddaşına hopan Rasim Balayevin "dərmanlara pul çatdıra bilmirəm, pulum yoxdur” açıqlaması onu sevənlərin ciddi narahatlığına səbəb olub.

Məsələ ilə bağlı modern.az-a danışan aktyor vəziyyətindən narazı olmadığını deyib:

"Əslində adamın canı ağrıyanda şikayətlənmək adətidir. Amma mənimlə maraqlanırlar, halımı soruşurlar, prezident təqaüdü alıram, bundan artıq neyləməlidirlər mənə? Hökumət nə lazımdırsa, edir mənə. Yoxsa, hansısa şikayətim yoxdur vəziyyətimdən, hər şey qaydasındadır”.

R.Balayev bildirib ki, adam nasaz olanda klinikalardakı xidmətin, apteklərdəki dərmanların qiyməti bir az uyğunsuzluq yaradır.

Qaynarinfo.Az