Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
“Rusiyada dəyişikliklər? Bu ölkənin mədəni DNT-si bir gecədə dəyişməyəcək” - Alar Karis
Estoniya prezidenti Alar Karis hesab edir ki, Avropa ölkələri uğuru iqtisadi artım və sosial rifahın yaxşılaşması ilə ölçür, eyni zamanda "Rusiya ərazisini və hərbi gücünü genişləndirmək üçün imperialist üsullardan istifadə edir”. O, Ukraynadakı hərbi münaqişəni "bizim nəsil üçün həlledici məqam” adlandırıb və NATO-nun müdafiəsini gücləndirməyə çağırıb.
Qaynarinfo xəbər verir ki, bu barədə Karis "Politico” jurnalının köşə yazısında yazıb.
Yazıda deyilir ki, "demokratiyanın özü Rusiyadakı mövcud rejim üçün təhlükə yaradır”. Estoniya prezidenti "strategiyaları Rusiyada tezliklə köklü dəyişikliklərin olacağı gözləntisinə əsaslandırmağı” faydasız hesab edir. O, əmindir ki, "Qərbə müqavimət göstərmək üçün proqramlaşdırılmış bir ölkənin mədəni DNT-si bir gecədə dəyişməyəcək”.
O, Avropa İttifaqı (Aİ) ölkələri arasında əməkdaşlığın intensivləşdirilməsini və "NATO çərçivəsində Aİ təhlükəsizlik arxitekturasının gücləndirilməsini” zəruri hesab edir. Onun sözlərinə görə, müdafiə sahəsinə investisiyaların artırılmasına, sənaye müdafiə sektorunun imkanlarının artırılmasına və Aİ silahlı qüvvələrinin gücləndirilməsinə, həmçinin "onları daha davamlı etmək üçün kritik təchizat zəncirlərini nəzərdən keçirməyə” ehtiyac var.
"Estoniya hesablayıb ki, əgər hər bir Avropa ölkəsi yaxın illərdə Ukraynaya ÜDM-nin cəmi 0,25%-ni verəcəksə, Ukrayna qalib gələcək. Əvvəla, indi sual ondan ibarətdir ki, bizim gələcək nəsillərə azadlıq, firavanlıq və təhlükəsizliyi təmin etmək üçün qaçılmaz, zəruri addımlar atmağa iradəmiz varmı? Biz Qərb ölkələri artıq göstərmişik ki, biz birlikdə qalib gələ bilərik”, - Karis əminliyini bildirib.
Xatırladaq ki, bir gün əvvəl, fevralın 18-də Estoniyanın baş naziri Kaya Kallas Rusiyanın xaricdə dondurulmuş aktivlərinin müsadirəsi üçün "qeyri-ənənəvi həll”in hazırlandığını elan edib. Baş nazirin sözlərinə görə, Ukraynanın Rusiya Federasiyası qarşısında "qanuni tələbləri”, Rusiyanın isə dondurulmuş aktivləri ilə bağlı "qanuni tələbləri” var və bu iki tələb "həll edilməlidir”.
Aİ, texniki səviyyədə, artıq fevralın ortalarında dondurulmuş aktivlərin müsadirəsi üzərində işə başlayıb.
Nizami Bağırov
Oxşar xəbərlər
İyunda 39 dərəcə isti olacaq - Aylıq proqnoz
Ölkə
31.05.2024
NATO Ukraynaya qoşun göndərəcək? (ŞƏRH)
Dünya
31.05.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər