Tələbələr üçün kampaniya başlandı: İctimai nəqliyyatda güzəştlərin tətbiq edilsin...

Tələbələr üçün kampaniya başlandı: İctimai nəqliyyatda güzəştlərin tətbiq edilsin...

D18 Hərəkatı tələbələrə ictimai nəqliyyatda güzəştlərin tətbiq edilməsi ilə bağlı kampaniyaya başlayıb. 

Hərəkat kampaniya çərçivəsində tələbələr arasında 5 min imza toplayaraq Nazirlər Kabinetinə müraciət edəcək. 

Hərəkatın rəhbəri Ruslan İzzətli Qaynarinfo-ya verdiyi açıqlamasında deyir : Əksər ölkələrdə tələbələrə bir çox güzəştlər edilir. Hətta işğalçı sovet hakimiyyəti dönəmində də tələbələrə və bir çox sosial qruplara ictimai nəqliyyatda güzəştlər tətbiq edilirdi. Qonşu ölkələrdə Türkiyə, Rusiya, Avropa ölkələrində tələbələrə ictimai nəqliyyatda , kafe və restoranlarda, muzeylərdə, kitab mağazalarında xüsusi endirimli kartlar verilir. Azərbaycanda fəaliyyət göstərən 54 dövlət və özəl universitetdə 150 mindən çox tələbə təhsil alır. Ancaq təəssüflər olsun ki, dövlətin onlara yönəlik heç bir lahiyəsi yoxdur. Tələbə yataqxanası yoxdur, təhsil haqqı yüksəkdir, tələbə təqaüdü 60-140 manatdır. Bu cür şərtlər altında tələbə necə yaşasın?! Tələbə Həmkarlar İttifaqı rektorlarla birgə pul yeyinitisi ilə məşğuldur, nəyinki tələbələrə yönəlik sosial layihələrin icrası ilə…" 

Hərəkat başqanı bildirib ki, 5 mindən çox tələbənin imzası ilə təklif paketini Nazirlər Kabinetinə təqdim edəcəklər: "Tələbələrə güzəştlərin tətbiq edilməsi üçün siyasi və hüquqi addımlar atacağıq".

XƏBƏRLƏR
BLOGLAR