Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Tiflis meri: "Xarici qüvvələrin iştirakı ilə dövlət çevrilişinə cəhd olub"
Tiflis meri Kaxa Kaladze xarici qüvvələrin Gürcüstanda dövlət çevrilişinə cəhd etdiyini açıqlayıb.
Qaynarinfo xəbər verir ki, siyasətçinin çıxışı "Rustavi 2" televiziya şirkətində yayımlanıb.
Kaladzenin sözlərinə görə, bunu Litva, Estoniya və İslandiyanın xarici işlər nazirlərinin Gürcüstan parlamentinin bu yaxınlarda qəbul etdiyi xarici agentlər haqqında qanuna qarşı keçirilən mitinqdə iştirakı ilə baş verən insident də təsdiqləyir. Mer qeyd edib ki, "bu dostluq deyil, düşmənçilikdir və ölkədə qütbləşməni tətbiq etmək cəhdidir".
"Xarici işlər nazirimiz İrəvana gedib, müxalifətin mitinqində iştirak etsə, münasibət necə olardı? Biz hər şeyi öz adı ilə çağırmalıyıq", deyə Kaladze bildirib.
Mayın 15-də Baltikyanı ölkələrin və İslandiyanın xarici işlər nazirlərinin Tiflisə gəldiyi barədə məlumat yayılıb. Daha sonra onlar müxalifətin mitinqinə gəlib orada çıxış ediblər.
Mayın 14-də Gürcüstan parlamenti yerli cəmiyyətdə mübahisə doğuran "xarici agentlər haqqında" qanunu üçüncü oxunuşda qəbul edib. Müzakirə hakim Gürcü Arzusu Partiyasının deputatları ilə müxalifət arasında etirazlar və davalar fonunda baş tutub. Nəticədə 84 deputat lehinə, 30 deputat əleyhinə səs verib.
Bundan sonra Gürcüstan parlamenti qırmızı həyəcan səviyyəsi elan edib. Azadlıq meydanında xüsusi təyinatlılar və su şırnaqları düzülüb, deputatlar polisin mühafizəsi altında binanı tərk ediblər.
Qəbul edilmiş qanuna əsasən, gəlirlərinin 20%-dən çoxu xaricdən gələn bütün qeyri-kommersiya hüquqi şəxsləri və kütləvi informasiya vasitələri xüsusi dövlət reyestrində qeydiyyatdan keçməlidirlər. Bundan əlavə, belə QHT və KİV-lərdən hər il Gürcüstan Maliyyə Nazirliyinə gəlir və xərclər haqqında deklarasiya təqdim etmələri tələb olunacaq.
Aprelin ortalarından Gürcüstanda etiraz aksiyaları keçirilir və onların iştirakçıları qanun layihəsinin müzakirədən çıxarılmasını tələb edirlər. Öz növbəsində qanun layihəsinin tərəfdarları hesab edirlər ki, bu, xarici qüvvələrin təşəbbüsü ilə baş verən dövlət çevrilişinin qarşısını almağa kömək edəcək.
Aydın
Oxşar xəbərlər
BDU-nun şöbə müdiri vəfat etdi
Ölkə
31.05.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər