ABŞ prezidenti Donald Tramp vəkili Maykl Kohenə porno aktrisa Stormi Danielsə pul vermək üçün ödəniş etdiyini etiraf edib.

Qaynarinfo xarici KİV-ə istinadən xəbər verir ki, Tramp Kohenə 2016-cı ildə 100-250 min dollar arası pul verib. Tramp daha əvvəl Kohenin Stormi Danielsə pul verməsindən xəbərsiz olduğunu demişdi. 

Aktrisaya 130 min məbləğ Trampla yaşadığı münasibət barədə mediada danışmaması üçün verilib. 

Ağ Ev məsələ ilə bağlı açıqlama verərək şəffaflıq üçün belə addım atıldığını, bu barədə əslində informasiya vermək məcburiyyətləri olmadığını bildirib. 

Qeyd edək ki, həm Tramp, həm də Daniels 2006-2017-ci illər ərzində münasibətlərini inkar edib. Lakin ötən aylarda aktrisa bu faktı qəbul edib. 

Qeyd edək ki, Trampın prezidentlik dövründə yalan danışması və yanlış ifadə verməsi onun vəzifəsindən kənarlaşdırılması ilə nəticələnə bilər.

Gülşən