Türkiyədə həbsdə olan amerikalı rahib Endryu Kreyq Brunson 4-cü dəfə məhkəmə qarşısına çıxıb.

Qaynarinfo Milliyet-ə istinadən xəbər verir ki, Brunson İzmirdə Ağır Cəza Məhkəməsinə aparılıb. FETÖ və PKK terror təşkilatlarına üzv olmaq, casusluq etmək iddiaları ilə barəsində 35 il müddətinə azadlıqdan məhrum etmə cəzası tələb edilən, daha sonra cəzası ev həbsi ilə əvəzlənən Brunson barədə yeni tələb açıqlanıb. Hakim bu dəfə qruplaşmaya üzv olmaq ittihamı ilə rahibin 10 il müddətinə həbsini istəyib.

Endryu Kreyq Brunson müdafiəsi zamanı "Günahsızam, Türkiyəni sevirəm, bəraət verilməsini istəyirəm" açıqlaması ilə çıxış edib. 
 
Mәhkәmәnin yekununda 3 il, 1 ay, 15 gün həbsdə qalan rahibin azad edilmәsi barәdә qәrar çıxarılıb.

Gülşən