Uran: "İnqilab etməyə çalışmıram, onun üçün münbit şərait yaratmağa çalışıram" (MÜSAHİBƏ)

Reper Uranın Qaynarinfo-ya müsahibəsi

- Bakı üçün darıxırammı? Əslində, coğrafi ərazi olaraq Bakı üçün elə də darıxmıram. Daha çox Bakıda olan ailəm, yaxınlarım, yaxın çevrəm üçün darıxıram.

Son 10 il ərzində proqressiv düşüncəli gənclərin kəmiyyətcə artımı, belə nəslin oturub-durması üçün maraqlı məkanların yaranmasına gətirib çıxarıb. Belə yerlər isə Bakının qlamur sakinlərindən uzaq olduğu üçün oralara gedirəm (Etüd, Le Chateau, Gramophone və s.). Belə məkanlarda həm dinləyicilərlə qarşılaşa, həm də digər maraqlı simalara rast gəlmək olar. Sanki son vaxtlar yeni yeraltı ziyalı təbəqə formalaşıb, formalaşmaqda davam edir.  

- Yanvarın 27-də "UranFM" albomuna daxil olan sayca 3-cü "single” video-kliplə bərabər işıq üzü gördü. "Yenə də fırlanır" adlı bu parça eyni zamanda "Yoxdu belə söhbət" adlı filmə "soundtrack” oldu. Əslində, film həm ruhən, həm personajlarının ab-havası, həm də cərayan edən süjet xətti ilə mənə çox yaxın filmdir. Etiraf edim ki, bununla ən böyük arzularımdan biri həyata keçdi, bədii filmə əsas "soundtrack"i yazdım, Rüfət (Rüfət Həsənov, filmin rejissoru) bunu bilir. Bir məsələni də qeyd edim ki, filmin "soundtrack” listi çox "ciyəz"dir - DədəBaba, Dihaj, Azər Cirttan, Xpert və s. "#Yoxdubeləsöhbət” filmi haqqında onu deyim ki, 40-50 il sonra hər hansı mütəxəssis - istər tarixçi olsun, kulturoloq, filoloq, və ya sosioloq - hazırkı dövrü araşdırmaq və öyrənmək istəyəndə, bu filmlə qarşılaşacaq. 

Hazırda bütün enerjimi 5 ilə yaxındır ki, üzərində çalışdığım "UranFM" albomuna yönəltmişəm. Albomdan təqdim ediləcək növbəti "single” Dihajla duet olacaq. Ümumiyyətlə, bu albom əvvəlki 4 alboma nisbətən daha müxtəlif çeşidlidir. Gözləməyə dəyər.

- Daha çox "Big Pun”, "Onyx”, "AZ”, "Nas”, "Mobb Deep”, "Mos Def”, "2Pac” və "Supreme NTM”i dinləyirm.

- Paris, Avropa gəncliyinin ruhu, havası tam ayrıdır. Bu, təbiidir, mühit fərqi özünü göstərir. Məsələ inkişafdan gedirsə, həm mədəni, həm texnoloji inkişaf baxımından bizim gənclik geridədir. Bunun səbəbi aradakı məsafə, fərqli mühit deyil, səbəb gənclərin bu inkişafa meyilli olub-olmamasındadır. Yəni, əsas səbəblərdən biri budur.

"Eşqini aşağı sal” sözlərini yazdığım bəlkə də ən maraqlı layihələrdən biridir. Həm musiqi, həm Diananın rep tələffüzü, alleqoriya və ironiya ilə dolu video-klipdir. Bir sözlə "zor kimi"! Boşanmaların sayının artdığı bir cəmiyyətdə yaşayan gəncliyə deyilir bu sözlər. "Eşqini aşağı sal”, yəni "eşq” adlanan pərdəni yığışdır və altında nələr olduğunu gör. Altda isə "anam seçib”, "atam bəyənib”, "qohum-qonşunun fikri”, "pul”, "acgözlük” və nəhayət "ikiüzlülük” var.

- "AzRap” üçüncü on illiyini yaşayır, inkişaf pillələri arasında böyük məsafələr, boşluqlar var. Məncə, "AzRap”ə qiymət vermək (yəni dünənki və bugünkü dünya repinə nisbətdə) hələ tezdir. İstənilən halda, həm kütləviliyinə, həm də fərqliliyinə görə "AzRap” hələ də Azərbaycanda bu günə qədər mövcud olmuş ən güclü alternativ musiqi üslubudur.

- Heç nə.

- "Funk”, "Jazz" (ACİD, funky, hip-hop), "Blues”, "Rock”, "Rocknroll”. Repə çox az qulaq asıram. "Electronic” musiqi həvəskarı olmasam da, arada "Deep-house” dinləyirəm.

- İki il öncə bu barədə yazmışdım. Hər rep parçada dərin fəlsəfi, psixoloji və sosial çalarlı məna axtarmaq lazım deyil. Rep bəsit də ola bilər, mürəkkəb də, konkret süjetli də ola bilər, "freestyle” mövzuda da. Əsas tələblər var: tələffüz, ritm (musiqi) və qafiyə. Qalanı isə zövq və bacarıq məsələsidir.