ARB TV-nin "Sirdaş Rövşanə” proqramına növbəti müraciət gənc ailədən gəlib.

Qaynarinfo xəbər verir ki, iki ildir ailə quran Kürdoğlu və Nazlı cütlüyünün uşağı olmadığı üçün oğlanın ailəsi onları evdən qovub. Onlar kirayə yaşayır və yaşayış səviyyələri olduqca aşağıdır.

Kürdoğlunun sözlərinə görə, ailəsinin onu atmasının əsas səbəbi evdəkilərin istəmədiyi birinin almasıdır:

"Məni başqasıyla evləndirmək istəyirlər. Dedilər ki, gedib xəstə almısan, onun uşağı olmayacaq. Ömür boyu ayrılmayacam. Onu birdəfəlik almışam. Uşağım olmasa da, ayrılmayacam. Sadəcə mənə ev versinlər ki, gedib işləyim ailəmi saxlayım. Anam deyirdi ki, toy edib mən pulumu yığıram. Toydan sonra səni çıxaracam”.

Nazlı isə bildirib ki, toya qədər ailə ilə münasibət normal olub:

"Toydan sonra dəyişildilər. Qayınatamla yaxşı idi, amma qayınanam ancaq qızlarına tərəfdir. Oğlunu da düşünsün. Bəlkə problem məndən yox, oğlundandır. Gedir zülmlə pul qazanıb gətirir. Adicə bu evə 60 manat pul veririk”.