79 yaşlı xalq artisti Teymur Mustafayev (Teymur əmi) avtomoblində müəmmalı şəkildə yanan oğlunun ölümü ilə bağlı 12 il sonra ilk dəfə danışıb.

Milli.Az xəbər verir ki, Teymur əminin oğlu Bakıxan Mustafayevin faciəvi ölümü ilə bağlı illər sonra "5/5"də verdiyi açıqlama aparıcı Zaur Kamalı da təəccübləndirib.

Teymur əmi övlad itkisi ilə bağlı bunları deyib:

"Allah təala verəndə yaxşıdır, alanda pis? Verən də Allahdır, alan da. Allahın işinə qarışmıram". 

Xatırladaq ki, xalq artisti Teymur Mustafayevin oğlu Bakıxan Mustafayev 2007-ci ildə özünə məxsus "VAZ 2110" markalı avtomobilin içərisində Bakı-Astara yolunun 75 kilometrliyində diri-diri yanaraq həlak olub.