İdman 13:02 08.07.2019

"Partizani" - "Qarabağ" oyunu canlı yayımlanacaq

"Qarabağ"ın Albaniyada "Partizani" ilə keçirəcəyi Çempionlar Liqasının I təsnifat mərhələsinin ilk oyunu canlı yayımlanacaq. 

Qaynarinfo xəbər verir ki, qarşılaşmanı CBC Sport telekanalı ekranlara gətirəcək. İyulun 10-da Tiranadakı "Selman Stermasi" stadionunda təşkil olunacaq qarşılaşma Bakı vaxtı ilə saat 19:30-da başlayacaq. 

Qeyd edək ki, bu komandalar arasındakı cavab görüşü iyulun 17-də "Dalğa Arena"da təşkil olunacaq. Matç saat 21:00-da başlayacaq.