PKK lideri Abdullah Öcalanın öldüyü iddia olunub. "Qaynarinfo" xəbər verir ki, bu barədə sosial mediada məlumat yayılıb.
Lakin Bursa Respublika Prokurorluğu xəbəri təkzib edib və iddiaların tamamilə əsassız olduğu bildirilib: "Bu kimi xəbərlərin heç bir əsası yoxdur".
Qeyd edək ki, Abdullah Öcalan PKK-nın qurucularından biri və ilk lideridir. 1999-cu ildə Nairobidə Keniya təhlükəsizlik qüvvədəri tərəfindən yaxalanıb və həmin ilin 15 fevralında Türkiyə hüquq-mühafizə orqanlarına təhvil verilib. 28 aprel 1999-cu ildə Türk Cəza Qanunun 125-ci maddəsinə əsasən vətənə xəyanət edamı tələb edilib. 29 iyun 1999-cu ildə "silahlı terror təşkilatı qurmaq və idarə etmək" ittihamı ilə edam cəzasına məhkum edilsə də, Avropa Birliyinin qanunlarına əsasən cəzası ağırlaşdırılmış ömürlük həbs cəzasına çevirilib. 1978-1999-cu illərdə PKK-ya liderlik edan "Apo" ləqəbli terrorçu İmralı adasındakı həbsxanada saxlanılır.
Aydın
Qaynarinfo.Az
Şərhlər