Ali məktəblərə ərizə qəbulu bu gün başa çatır

Azərbaycanda 2013/2014-cü tədris ili üçün ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün internetlə ərizə qəbulu bu gün başa çatır.

APA-nın xəbərinə görə, ərizə qəbuluna aprelin 9-dan, ərizələrin təsdiqinə isə aprelin 15-dən başlanılıb. Abituriyentlər nəzərdə tutulan vaxta qədər abituriyentin “Elektron ərizə” si doldurmalı, mütləq təsdiq olunmalıdır. Əks halda həmin abituriyentlər qəbul imtahanlarında iştirak edə bilməyəcəklər.

Bu gün saat 09:00-a olan məlumata görə, 99 559 abituriyent internetlə “Elektron ərizə“sini dolduraraq müvafiq qaydada təsdiq etdirib. Onlardan 90 206-sı Azərbaycan, 9353-ü isə rus bölməsinin məzunlarıdır. Sənədini təsdiq etdirən 99 559 abituriyentin 36 151-i I, 22831-i II, 28 693-ü III, 11 884-ü isə IV ixtisas qrupundan təhsil almağı seçib.

Qaynar.info