"AVRO-2020": Bu gün Türkiyə final mərhələsinə vəsiqəni təmin edə bilər

Qaynarinfo xəbər verir ki, ilk oyun günündə 3 qrupda 7 görüş keçiriləcək. 

A qrupunun lideri İngiltərə Monteneqronu qəbul edəcək. Qrupun digər matçında Çexiya Kosovo ilə üz-üzə gələcək. Bu qarşılaşmalardan İngiltərə heç-heçə, Çexiya isə qələbə ilə ayrılacağı təqdirdə, final mərhələsinə vəsiqəni təmin edəcək. Kosovo isə UEFA Millətlər Liqasında yoluna davam etdiyi üçün şanslarını qoruyacaq.

B qrupunun iddialı komandalarından Portuqaliya Litva ilə, Serbiya isə Lüksemburqla qarşılaşacaq. Millətlər Liqasının qalibi olan Portuqaliyanın bu qrupda Ukraynadan sonra ikinci vəsiqəyə sahib çıxması üçün Serbiyanın xal itirməsi də kifayətdi.

Günün ilk vəsiqəsinə isə daha erkən başlayacaq görüşdə Türkiyə yığması yiyələnə bilər. "Ay-ulduzlular" H qrupunda İslandiya ilə ev oyununda heç-heçə etsələr, "AVRO-2020"də iştirak hüququna yiyələnəcəklər. Bu halda son dünya çempionu Fransa Moldovanı məğlub edərək istəyinə nail ola bilər. Qrupun Albaniya və Andorra yığmaları arasındakı son matçı isə turnir baxımından ciddi önəm kəsb etməyəcək.

Qeyd edək ki, Belçika, İtaliya, Polşa, Rusiya, İspaniya və Ukrayna yığmaları final mərhələsində iştirakı təmin ediblər.

23.45 Çexiya - Kosovo

23.45 İngiltərə - Monteneqro

 

1	İngiltərə	6	5	0	1	26:6	15
2	Çexiya	6	4	0	2	11:9	12
3	Kosova	6	3	2	1	12:10	11
4	Monteneqro	7	0	3	4	3:15	3
5	Bolqarıstan	7	0	3	4	5:17	3

23.45 Portuqaliya - Litva

23.45 Serbiya - Lüksemburq

 

1	Ukrayna	7	6	1	0	15:2	19
2	Portuqaliya	6	3	2	1	14:6	11
3	Serbiya	6	3	1	2	12:13	10
4	Lüksemburq	6	1	1	4	5:11	4
5	Litva	7	0	1	6	5:19	1

21.00 Türkiyə - İslandiya

23.45 Fransa - Moldova

23.45 Albaniya - Andorra

 

1	Türkiyə	8	6	1	1	16:3	19
2	Fransa	8	6	1	1	21:5	19
3	İslandiya	8	5	0	3	12:10	15
4	Albaniya	8	4	0	4	14:10	12
5	Andorra	8	1	0	7	1:16	3
6	Moldova	8	1	0	7	2:22	3