Ofelya Sənaninin ürəyində anju əməliyyatı aparılıb (YENİLƏNİB)

Xalq artisti Ofelya Sənaninin ürəyində anju əməliyyatı aparılıb.

Bu barədə APA-ya Bakı Ürək Mərkəzinin kardioloqu Şahin Xəlilov məlumat verib. Onun sözlərinə görə, Xalq artistinin vəziyyəti hazırda stabildir və müalicəsini davam etdirir.

Qaynarinfo xəbər verir ki, o, ürəyin ön və arxa divarının infarktı diaqnozu ilə Kliniki Tibbi Mərkəzə yerləşdirilib. 

O.Sənani hazırda xəstəxananın Reanimasiya şöbəsində müalicə alır. 

Səhiyyə Nazirliyinin Mətbuat xidmətindən bildirilib ki, Xalq artistinin vəziyyəti ağır qiymətləndirilir.

O.Sənani 1941-ci ildə Bakı şəhərində anadan olub. 1959-1975-ci illərdə radioda işləyib, bir sıra radio tamaşalarında baş rollarda çıxış edib. 1975-ci ildən televiziyada fəaliyyət göstərib. 1960-1990-cı illərdə eyni zamanda "Azərbaycanfilm" kinostudiyasının dublyaj şöbəsində işləyib, 100-dən artıq filmin baş qəhrəmanlarını səsləndirib. O, kinofilmlərdə də çəkilib ("Dağlarda döyüş", "Ulduzlar sönmür" bədii filmləri, "Bakı bulvarı", "Mücrü" və s. televiziya filmləri).