Bərdədə içməli su problemi: quyular tamamilə quruyub... (VİDEO)

Bərdədə içməli su problemi: quyular tamamilə quruyub... (VİDEO)

Bərdədə 50 il əvvəl kəşfiyyat xarakterli qazılan quyulardan çıxan sudan sakinlər içməli su kimi istifadə edirdilər. O vaxtdan öz axarı ilə su çıxan quyular bir necə aydır ki, quruyub. İndi sakinlərin su problemi yaranıb.

Bu il havaların isti keçməsi Bərdədə su quyularına ciddi təsir göstərib. Son iki ayda havaların isti və yağıntısız keçməsi səbəbindən rayonun Qullar kəndində 50 ildən çoxdur istismarda olan su quyuları tamamilə quruyub. İndi kənd sakinləri içməli su sarıdan əziyyət çəkirlər.

1960-cı illərdə kəşfiyyat xarakterli qazılan quyulardan sakinlər icməli su kimi istifadə edirdilər. O vaxtdan öz axarı ilə su cıxan iki quyu bir necə aydır ki, quruyub. Sakinlər deyirlər ki, qurumaya səbəb quyuların təmizlənməməsidir.

Məsələ ilə bağlı Bərdə Rayon Su Kanal İdarəsindən bildirdilər ki, öz təzyiqi ilə yerden cıxan suya görə sakinlər xidmət və istifadə pulu ödəmirlər. Ona görə də quyuların təmizlənməsi və digər işlərdə sakinlər özləri təşəbbüs göstərməlidirlər.

Qaynarinfo.Az

Mənbə: Xəzər TV

XƏBƏRLƏR
BLOGLAR