İdman 21:55 28.05.2018

Azərbaycan Kubokunu "Keşlə" qazandı: "Zirə" Avropadan kənarda qaldı

Azərbaycan Kubokunun final matçı keçirilib.

Qaynarinfo xəbər verir ki, Qəbələ şəhər stadionundakı matçla 2017/18 mövsümünə yekun vurulub.

Azərbaycanda Cümhuriyyətin 100 illik yubileyi gününə təsadüf edən finalda "Keşlə” və "Qəbələ” qarşılaşıb. İndiyədək komandalardan heç biri kubok qazanmadığından mükafat yeni sahibini tanıyıb. Oyunda bir qol vurulub və "Keşlə" qələbəni bayram edib. Bununla da Bakı klubu Avropa Liqasına vəsiqə qazanıb, Premyer Liqanın 4-cüsü "Zirə" Avropadan kənarda qalıb. "Qəbələ" isə çempionatın gümüş mükafatçısı olaraq Avropa Liqasına vəsiqə əldə etmişdi.

Qəbələdəki qələbə iki dəfə çempion, bir dəfə "Birlik Kuboku”nun qalibi olan bakılılar üçün ümumilikdə 4-cü titul olub. Doğma meydanda nominal qonaq olan "Qəbələ” isə I dəstə çempionluğu sayılmasa, tarixinin ilk titulunu əldə etmək şansını əldən verib.

Azərbaycan kuboku

2017/18 mövsümü

Final

28 may

Keşlə - Qəbələ 1:0

Qol: Pərdis Fərcan-Azad, 71.

Keşlə: 1. Kamran Ağayev (q) (k), 2. Sərtan Taşkın, 3. Denis Silva, 4. Slavik Alxasov, 7. Vaqif Cavadov, 10. Sezar Meza Kolli, 14. Andre Klennon, 27. Adrian Skarlatake, 33. Tərlan Quliyev, 40. Nemanya Stoyanoviç, 90. Ebrima Sohna.

Ehtiyat oyunçular: 15. Orxan Sadıqlı, 9. Pərdis Fərcan-Azad, 21. Herve Tçami, 22. Məqsəd İsayev, 39. Əlibəy Məmmədli, 66. Murad Qayalı, 58. Sinan Akkoyun, 80. Rafael Məhərrəmli, 88. Məmməd Quliyev, 16. Şahin Zəkiyev.

Məşqçi: Sergey Revit.

Qəbələ: 22. Dmitri Bezotosnı, 3. Vojislav Stankoviç, 5. Rasim Ramaldanov, 8. Qismət Alıyev, 9. Baqali Dabo, 14. Cavid Hüseynov (k), 15. Vitali Vernidub, 18. İlqar Qurbanov, 28. Stiven Monroz, 33. Təmkin Xəlilzadə, 45. Famussa Kone.

Ehtiyat oyunçular: 23. Aqil Məmmədov, 35. Murad Popov, 4. Elvin Camalov, 6. Elvin Məmmədov, 11. Asif Məmmədov, 19. Filip Ozobiç, 29. Hacıağa Hacıyev, 32. Amin Seydiyev, 74. Yusif Nəbiyev.

Baş məşqçi: Roman Qriqorçuk.

Hakimlər: Rauf Cabbarov, Nahid Əliyev, Knyaz Əmiraslanov, Əliyar Ağayev.

AFFA nümayəndəsi: Şaiq Həmidov.

Hakim-inspektor: Vüsal Əliyev.

Qəbələ şəhər stadionu.