Diyetoloq orucu açarkən bədənə ziyan vurmamağın yollarını açıqladı

 "Rimmarita” klinikasının baş həkimi, tibb elmləri namizədi, diyetoloq və terapevt Rimma Moisenko sərt orucdan çıxmağın və sağlamlığa zərər vermədən normal qidaya keçməyin yollarını izah edib.

Orucluq zamanı insan bədəni heyvan mənşəli protein məhsullarının işlənməsi üçün lazım olan fermentlərin ifrazını azaldır. Həkim izah edir ki, sürətlə bərpa edə bilməyən bədənə kömək etmək üçün ət yeməyə tədricən qayıtmaq lazımdır.

"Bədənin zülalları mənimsəməsinə, parçalamasına kömək etmək üçün ağızda maksimum miqdarda protein çeynənməlidir. Su ilə yemək yeyə bilməzsiniz, ancaq yeməkdən 20-30 dəqiqə əvvəl mütləq az miqdarda limon suyu ilə bir stəkan su içməlisiniz”, - deyə dietoloq "Sputnik” radiosuna deyib.

Moisenko iftar zamanı birinci tərəvəzlə birlikdə parda və ya qaynadılaraq bişmiş ət seçməyi məsləhət görür. Onun sözlərinə görə, göyərti ilə birgə bir qədər kabab da yemək olar, amma daha çox tərəvəz yeyilməlidir.

"Heyvan zülalının tərəvəzlərlə birləşməsinin 1:2 nisbətində olması vacibdir, yəni iki qat daha çox tərəvəz olmalıdır", - diyetoloq vurğulayıb.

Həkim zülalların yağlarla birləşməsindən çəkinməyi tövsiyə edib, buna görə də yağlı və qızardılmış qidalar yeməmək, həmçinin hisə verilmiş ətləri istisna etmək yaxşıdır. Moisenko mədə-bağırsaq traktının xəstəlikləri olan və yaşlı insanların yağlı, qızardılmış, çox miqdarda duz və ədviyyatla hazırlanmış qidalardan çəkinmələrini məsləhət görüb.