Elektrik enerjisi istehsalı artıb

 

Dövlət Statistika Komitəsindən “APA-Economics”ə verilən məlumata görə, əvvəlki ilin yanvar-iyul ayları ilə müqayisədə sahədə 0,1%-lik artım əldə edilib. Ölkədə 12,1 mlrd. kVt-saat elektrik enerjisi istehsal olunub ki, onun 7,9%-i su elektrik stansiyalarının, 92,1%-i isə istilik elektrik stansiyalarının payına düşüb.

 

Elektrik və istilik enerjisinin istehsalı üçün müəssisələr tərəfindən 2 790,3 mln. kub metr və ya ötən ilin müvafiq dövrünə nisbətən 0,9% çox təbii qaz  istifadə edilib. Müəssisələr tərəfindən elektrik və istilik enerjisinin istehsalı üçün 1,4 min ton dizel yanacağı, 0,4 min ton mazutdan istifadə edilib. Qeyd edək ki, 1 kilovat saat elektrik enerjisi istehsalına neft ekvivalenti ilə 225,4 qram yanacaq məsrəf olub.

 

Ölkənin bütün təsərrüfat subyektləri tərəfindən 9,2 mlrd. kVt.saat elektrik enerjisi istehlak edilib.